Суди ноҳияи Фирдавсӣ 
Баланд бардоштани маърифати ҳуқуқии шаҳрвандон яке аз омилҳои муҳими рушди ҷомеаи ҳуқуқбунёд ба ҳисоб меравад. Маърифати ҳуқуқӣ маънои онро дорад, ки шаҳрвандон аз ҳуқуқу уҳдадориҳои худ огоҳ бошанд, қонунҳоро эҳтиром намоянд ва дар ҳаёти ҷамъиятӣ ба таври фаъол иштирок кунанд. Ҷомеае, ки дар он сатҳи маърифати ҳуқуқии мардум баланд аст, устувор ва пешрафта мегардад.
Яке аз роҳҳои асосии баланд бардоштани маърифати ҳуқуқӣ ин омӯзиш ва тарбияи ҳуқуқӣ мебошад. Аз синни хурдӣ ба кӯдакону ҷавонон фаҳмондани меъёрҳои қонун, эҳтиром ба ҳуқуқи дигарон ва риояи тартиботи ҷамъиятӣ хеле муҳим аст. Дар ин раванд муассисаҳои таълимӣ, оила ва ҷомеа нақши муҳим мебозанд.
Ҳамчунин, воситаҳои ахбори омма дар баланд бардоштани маърифати ҳуқуқии шаҳрвандон саҳми назаррас доранд. Барномаҳои иттилоотӣ, мақолаҳо ва суҳбатҳои фаҳмондадиҳӣ метавонанд ба мардум дар фаҳмидани қонунҳо ва истифодаи дурусти ҳуқуқҳои худ кумак расонанд.
Баланд бардоштани маърифати ҳуқуқӣ, инчунин, ба пешгирии ҳуқуқвайронкунӣ мусоидат мекунад. Вақте ки шаҳрвандон аз оқибатҳои ҳуқуқии амалҳои худ огоҳ мешаванд, онҳо бештар ба рафтори худ диққат медиҳанд ва қонунро риоя мекунанд.
Манучеҳр Тиллозод,
судяи Суди ноҳияи Фирдавсӣ
